كُفي حنانك ..

آهات وبسمات / العسل المر (14)

كفي حنانك وأرحلى
فإنه يثير الرماد
عن جمر جرح غائر
مازال يعبث في الفؤاد
الآن جئت بالحنان
تبغين للحب انتفاض !
مازلت أذكر غدرك
وسهر الليالي والسهاد
وأنا صنعتك من خيالي
وكنت للقلب المراد
ما عدت أصلح للهوى
ولا فؤادي للوداد

البزنسة ..

آهات وبسمات / منولوج بلدي (6)

البزنسة ... البزنسة
فن حديث وهندسة
وشغلة بردو كويسة

في كل شيء ياخد نصيب
غير العمولة مالوش حبيب

أروح لمين
وأشكي لمين
م البزنسة !

من يوم ما جتنا البزنسة
طار الحلال , آه وأتنسى
والغش أصبح مدرسة
والرشوة فتحت مدرسة

مهما كسبت وافتريت
بكرة تقول أنا استويت
وم الحرام أصلي اتكويت
أنا تهت والله وانتهيت

البزنسة ... البزنسة
لا هي فن ولا هندسة
أروح لمين
وأشكي لمين
م البزنسة !

بالذمة ده كلام ..

آهات وبسمات / غنوتي (10)

بالذمة ده كلام
تروح من غير سلام

باحبك وأنت قاسي
وفاكرك وأنت ناسي

اجي لك وأنت تبعد
أطاوعك وأنت تعند

وحتى لما تيجي
عايز تمشي قوام
من غير كلمة محبة
من غير حتى السلام

بالذمة ده كلام
تروح من غير سلام

ليه القسوة دي
ليه البعد قول لي
أنا ذنبي ايه معاك
تهجرني ليه تملى

بالذمة ده كلام
تروح من غير سلام

فاكر لما تبعد أنسى يوم عنيك
أو قلبي يسلي حبك وسعادته بين ايديك

بالذمة ده كلام
تروح من غير سلام

يا حبيبي لما أشوفك
بيزيد الشوق اليك
والفرحة تملا قلبي
ولا اشوفشي غير عنيك

يا حبيبي امتى يرجع
الحب بتاع زمان
أيام ما كنت تيجي
وأقول خليك كمان

تضحك وتقول لي أمرك أهو ده هو الكلام

الإدمان ..

آهات وبسمات / منولوج بلدي (5)

أنت يا صاحبي ..
وأنت يا أخينا

راسي خلاص هتولع نار
ليه الناس أحوالها غريبة !
ليه بعضنا عايش محتار !

بص وشوف يا أبو الأفكار
ليه الواد برهوم محتار
بعد ما كان شغال كسيب
بقى مسكين وحاله انهار

في يوم اغبر مش ع البال
جاله الواد عزوز الحاتي
قال له تعالى نروح لحميدة
ده احنا بنسهر عنده ليلاتي
جابوا رجله في الإدمان
ولا عاد صحة ولا عاد مال
أصل السم بيجري في دمه
بقى تعبان معدوم الحال
يوم عن يوم بيزيد همه
والله دي بلوة مش ع البال

مش بإيدي ..

آهات وبسمات / غنوتي (10)

يا حبيبي يا اللى حبك
جوة قلبي من زمان
أوعى قلبك ينسى حبي
واللى كان

أنت فاكر لما تقسى
حاقدر أنسي يوم هواك
بس قولى ازاي راح أنسى
كل همسة حب حسيتها معاك

كل دقة قلب حلوة
في انتظار ساعة لقاك
كل شيء في الكون جميل
عشت فيه أيام رضاك

يا حبيبي مش بإيدي
أنسى حبك
وإلا أفوتك حتى ثانية
كل لحظة تمر بية
وأنت جنبي دنيا تانية

الطائر الميمون ..

آهات وبسمات / العسل المر (13)

رأيت الطائر الشادي
يبث حنينه البادي ..
بحب بات في قلبه
وشوق عطر الوادي ..
كفانا لوعة الفرقة
ومرحا حبك النادي ..
على الأغصان يتغنى
لريح الحب والجنة ..
بكل الشوق ملهوفاً
لثوب الفرح والحنة ..
ليالي البعد أشقتني
على الأغصان مجنوناً ..
وبات الحب في قلبي
وفي الوجدان مسجوناً ..
وعاد الطائر الميمون
بغصن الحب والزيتون ..
سلاماً جاء يطلبه
وحباً بات ينشده ..
فهل في الحب من عيب ؟!
وشرع الله مقصده ..

الوقت ..

آهات وبسمات / منولوج بلدي (4)

ياللى نسيت الوقت وقيمته
عمرك ضايع , ليه سلمته

وقتي ووقتك كنز كبير
أوعى تسيبه يروح ويطير
أصل الوقت ده سيف بتار
لو هايطير هاتعيش محتار

منتش داري باللى بيجرى
من غير فايدة ليل ونهار

شغل اليوم ما تسيبوش لبكرة
لاحسن تبقى حياتك نكرة

ريح نفسك وقت الراحة
وقت الشغل ما فيها سماحة

والترفيه بردو مطلوب

وقت الشغل ماهوش مرغوب

ليلة الفرح ..

آهات وبسمات / غنوتي (9)

يا دنيا اصحي وصحصحي
واملا قلوبنا بالمرح
قلب الحليوة انشغل
والليلة هايكون الفرح

كتب كتابه راح يكون الليلة
وسط الحبايب والجيران والعيلة
دي عروسة حلوة وبنت ناس وأصيلة

مبروك يا عريس
خدت العروسة الحيلة

زينة وأنوار
طبل ومزمار
السعد بيرقص حوالينا

زغردوا يا بنات
واسقوا الشربات
الفرح باين في عنينا

العقل يأمرني ..

آهات وبسمات / العسل المر (12)

العقل يأمرني لابد أنساها
وكيف يا قلب والقلب يهواها
والعين لا تأنس إلا برؤياها
والنفس لا تهفو إلا للقياها

إن كانت موج البحر
فالدم مجراها
إن كانت وجه الصبح
فليلي يهواها
إن كانت بدر الليل
فكيف أنساها!
كيف بالله أنسي محياها !

أنسيت يا قلب جرحك الدامي
أنسيت كم سخرت من فقر أيامي
أنسيت كم كانت سبباً في إيلامي!
أغفرتِ يا نفس قتل أحلامي
هل بات محتضراً عزك السامي!

صدقت يا عقلي وأخطأت أحلامي
بالصبر والسلوان تذوب ألامي
لكن والله ..
لن أنسي أحلامي
وسيصبح الحب ذكرى بوجداني
إن كان ديته عزي وأحلامي .

لك حق ..

آهات وبسمات / غنوتي (8)

لك حق تعمل ما بدا لك
يا قلبي بعد اللي جرالك

أول ما شوفته وحيد وغريب
في حضنك أنت خدته حبيب
ولما نال اللي في باله
فاتك وغير أحواله

لك حق تعمل ما بدا لك
يا قلبي بعد اللي جرالك

اديته حبك وحنانك
اديته عمرك وزمانك
نسيك وراحت أيامك
وصنت عهده , ليه خانك؟

لك حق تعمل ما بدا لك
يا قلبي بعد اللي جرالك

الأفعى ..

آهات وبسمات / العسل المر (11)

سحرت بعيني المها
حتى كأني ..
سمعت فحيح الأفعى
كروان يغني ..

وأرهفت سمعي
لعلي أنول ..
لحن الخلود
ووجدي يطول ..

وأسلمت قلبي
بملء الجفون ..
نهاري هموم
وليلي شجون ..
فما أسلمتني
إلا الجنون ..
وأمسى فؤادي
طريح السجون ..
فما عاد قلبي
قلب حنون ..
وما عدت أهوي
طريق الجنون ..
سئمت عيونكِ
وكل العيون ..
كفاني عذاب
كفاكِ مجون .

غني على الأرغول ..

آهات وبسمات / غنوتي (7)

غني على الأرغول
غني معايا وقول
قبل الزمان ما يطول
ويبقي لي عزول

الحب موال نسمعه ونهواه
ان قلت يا عين أنت تقول الله
وأن قلت ياليل
ما أحلى الغرام ما أحلاه

غني على الأرغول
غني معايا وقول

الحب أخد وعطاء
تاخد وتدينى
اسقيك كاس الغرام
بردو انت تسقيني
ان يوم شكيت م الآه
تيجي تواسيني

غني على الأرغول
غني معايا وقول
قبل الزمان ما يطول
ويبقي لي عزول

علمنى العوم ..

آهات وبسمات / غنوتي (6)

علمني العوم
في بحر هواك
وازاي يا حبيبي
في يوم أنساك
من أول يوم
أنا دوقت هواك
وأنا باحسب عمري
بيوم ما ألقاك

علمني العوم في بحر هواك

ويهون البعد
ما دام حالقاك
في طريق الشوق
والحب معاك

علمني العوم في بحر هواك
وازاي يا حبيبي في يوم أنساك

تجرؤين ..

آهات وبسمات / العسل المر(10)

كيف تجرؤين ؟!
وجئت تتساءلين ..
أمازلنا على العهد باقين ؟!
عن أي عهد تتحدثين !
عن أي حب تبحثين !
الحب قد ذبحه
الأنين ...
وجرحه ينزف بدم
الحنين ...
ودمعه يسيل وصوته
رنين ...

هل نسيتِ أنكِ
كنتِ الهوى ؟!
وكنتِ الطبيب والدوا ..

فلما علمتِ بأني
فقير ..
ولست ثرياً
ولست وزير ..
ولن يكون عيشكِ
عيش الحرير ..
آثرتِ الفرار
دون نذير .

ولما رحلتي
جاءتني السماء ..
بمال وعز
وفير الثراء ..
قدمتِ إلي
نسيتِ الحياء ..
نسيتِ جروحي
وجم الشقاء ..
ألا ترحلين بحق السماء ؟!
كفاكِ غدراً
كفاكِ رياء .

شموس الهنا ..

آهات وبسمات / العسل المر(9)
" كتبها عندما حلم أن جدتي تقف على جبل عرفـــــات "

وعادت شموس الهنا
وهلت الأنوار ..
ولحن طاهر عزفتيه
على الأوتار ..
باسم كتب في الجنة
مع الأبرار ..
وقلب حائر يطوى
سراً من الأسرار ..
وشوق بات مشتعلاً
بعطر الورد والأزهار ..
وعين لا ترى غيركِ
من الفجر إلى الأسحار ..
بعثت طيفي عن بعد
يعود إلى بالبشرى وبالأخبار ..
رآكِ القلب في عرفة
تلبين مع الأخيار ..
حسبت اليوم والساعة
وساعة البعد لا تمشى ..
سهرت الليل منتظراً
رجوع الود والأنسِ ..
سألت الله إسراءا
يريني الغد بالأمسِ .

الحلم والحجاب ..

آهات وبسمات / العسل المر(8)

أردتِ ستر فتنتكِ
من الرأس إلى القدمِ ..
فزاد الستر روعتكِ
وفاق جمالكِ القممِ ..

بنور الفجر أشرقتِ
على بستان أحلامي ..
وزاد الوجد في قلبي
بأنغام وألحانِ ..
فهل أسرفتُ في شوقي ؟!
أم فسرتِ أحلامي .

أنا ياما اديتك ..

آهات وبسمات / العسل المر(7)

أنا ياما إديتك
وأنت بتاخد ولا تديش
وأقول معلش النوبة
بكرة حيدي ولا يخليش
أنا أصلي كنت بحبك
وكنت أتمنى الحب
يعيش

على قد ما خدت الحب
من أيامي ومن ليالية
على قد ما كنت أشوفك
تملا الدنيا علية
لكن أنت بعت الحب
سبت الدمع يبات في عنية

دلوقتي بعد ده كله
قال ايه بتقول سماح
طب قولي ازاي راح أسامحك
وأنا قلبي كله جراح
ازاي حنعيش م الأول
ونعيد تاني في الأفراح!

قابلتني الحلوة ..

آهات وبسمات / غنوتي (5)

قابلتني الحلوة العصرية
بصت لي بنظرة حنية

من نظرة عين
ما عرفت أنا مين
ولقيتني في دنيا غير الدنيا

قابلتني الحلوة العصرية
بصت لي بنظرة حنية

حسيت بالدنيا وحلاوتها
وسألت عليها وعلى بيتها
حبيتها يا ناس أنا حبيتها
من بدري حاقدم شبكتها

قابلتني الحلوة العصرية
بصت لي بنظرة حنية

وجريت على أبوها وكلمته
وطلبت ايديها وسلمته
الشبكة وقلبي من الفرحة
حيطير ونداني بجوز بنته

مبروك .. مبروك
ألفين مبروك ..
عقبالكوا .

فرحة العروسة ..

آهات وبسمات / غنوتي (4)

الحلو دق بابنا
علشان يكتب كتابنا
ويعلى فرحنا

ده عريس وتوب وطرحة
ومعاهم أحلى فرحة
دي ليلة سعدنا

ارقصي يا زهور
داير ما يدور
الليلة أسعد أيامي

زغردوا يا بنات
الفرح اهو بات
بيغني ويرقص قدامي

صبوا الشربات
واسقوا القمرات
ده عريس حقق أحلامي

زغردوا يا بنات
عقبالكوا

ليه يا عنية !

آهات وبسمات / العسل المر(6)

ليه يا عنية شوفتي الحب
في عيون نسيت معنى الحب
في عيون عايزة مال وقصور
في قلوب عتمة نسيها النور

وأنت يا قلبي ليه صدقت
أن الحب لوحده كفاية
عشت في وهم كبير وسرحت
تهت وتاه العقل معايا

عيني وقلبي ليه خدعوني
عند طريق الشوك ودوني
لما انجرحوا جم يشكولي
بعد ده كله
ازاي يلوموني

ليه يا عنية شوفتي
الحب !

شوق كبير ..

آهات وبسمات / العسل المر(5)

شوق كبير غير كل شوق
يلا دوق الحب ..
دوق

نسمة حلوة بتنادينا
نجمة لامعة بتناغينا
بدر عالى بيراعينا
في انتظار ساعة الشروق

رنة الضحكة في صوتك
جددت فية الحياة
نظرة الألفة في عيونك
فرحة القلب ودواه
لمسة الحب ف ايديك
هي سعده وهناه
همسة الود لطيفك
حلم حلو والتقاه

شعب النحل ..

آهات وبسمات / العسل المر(4)

ما عدت أهوي النحل
ولا طعم العسل ..
ولا خدود الورد
ولا نوم الكسل ..
تباً لشعب النحل
تحكمه غانية ..
تشغل قلوب ذكورها
غير مبالية ..

يسعى الذكور ورائها
حتى الردى ..
وهي بذاك راضية
كل الرضا ..

من لم يمت سعياً
خلف جناحها ..
أدركه الموت إن
أتم زواجها .

يا بحر حلو ..

آهات وبسمات / غنوتي (3)

يا بحر حلو وعجبني
ليه بس غاوي تلاعبني
مع موجة رايحة بتاخدني
وموجة جاية ترجعني

يا بحر حلو يا حبيبي
أنت هوايا أنت قريبي
على بر امتى ترسيني
واعرف نهاري من ليلي

يا بحر حلو وعجبني
ليه بس غاوي تلاعبني

مع موجك الحلو الهادي
اهديك سلامي وودادي
ندر علية لو تيجي
لاعزم بلدي وابو تيج ِ
وكل ناس راح تيجي
وأقول لهم أنت حبيبي

يا بحر حلو وعجبني
ليه بس غاوي تلاعبني

يا بحر حلو وعجبني
يا بحر حلو يا قريبي
يا بحر حلو أنت حبيبي

الموضة ..

آهات وبسمات / منولوج بلدي (3)

حلق حوش .. بص وشوف
آخر موضة ع المكشوف

شوفت صبية لابسة جونلة
يادوب شبرين
ويا بلوزة شيفون شفاف
هي الحشمة راحت فين ؟!

هي الحشمة خلاص نسيوها !
والأخلاق موضة وسابوها !

يا أبو البنات أنت المسئول
لبس بنتك بالمعقول
ذوق البنت ده سر جمالها
بكرة يجي لها عريس وعدلها

اسمعي مني يا بنت الناس
قبل ما تيجي الفاس في الراس
استري جسمك وأصحي معانا
ده الاسلام بالخير وصانا

على صوتك ..

آهات وبسمات / العسل المر(3)

في كل زمان وكل مكان
أنام وأصحى على صوتك

خيوط الشمس تدفينى
بحنان صوتك
طيور الفجر تشجينى
بجمال صوتك
غصون البان بتتمايل
على صوتك
ومشتاقة للحن جميل
نغمه كله من صوتك

نجوم الليل مع بدره
بيتهمسوا
ويستنوا جمال فجره
في همسة حب
من صوتك
وموج البحر ونسيمه
ورقصه ويا ترنيمه
وورد جميل يغني له
ده كله لمحة
من صوتك .

كوشة وزفة ..

آهات وبسمات / غنوتي (2)

يا اللي جمالك حسن وخفة
عايز أجيب لك كوشة وزفة

البسمة ولا النسمة
تخطف قلبي وتجري
والضحكة ترويني
هي شموعي وفجري

الورد على خدودك
يقطف راحة البال
وجمالك ده يحير
مش ممكن ده محال

وعيونك دول قصة
شبكوني بكام قصة
ياما سهرت عليهم
ايه اخرة دي القصة

يا اللي جمالك حسن وخفة
عايز أجيب لك كوشة وزفة

حبيت خصامك ..

" من أعماق قلوبنا نغني للحياة ,

فكانت غنوتـــي ."

آهات وبسمات / غنوتي (1)

حبيت خصامك
عشان أصالحك
ومهما تقسي
أنسى وأسامحك

أصل عذابي يهون
لما ألقاك قدامي
وأنسى كل الشجون
وتتجدد أحلامي

ده أنا بشتاق لعنيك
ف الرايحة والجاية
وافرح لما ألاقيك
وأشيلك ف عنية

بس أمانة يا روحي
ما ف يوم تقسي علية
وحياة حبي وحبك
وتغيب عني شوية .

أهل القمة ..

آهات وبسمات / منولوج بلدي (2)

أهل القمة قالوا كلام
حلو وقمة
بس كلامهم عايز عزم
عايز همة

نفسي أشوف أمجاد أجدادي
وسط ولادي
وألقى بذور الحب بتطرح
تملا الوادي
وألقى نسيم الفرح يعم
كل بلادي

عهد جديد
كله أمان وكلام جد
عدل متين
وسط سلام
يطرح ود
فعل زي زمان ,
يعود المجد .

*** *** ***

الكلمة شرف الانسان ..

آهات وبسمات / العسل المر (2)

كلمات الحب
تمزقني ..
بالله عليك
أطلقني ..
فالشوق بات
يؤرقني ..
لحبيب ملك الوجدان
لكن العقل
يجافيني ..
والقلب الحائر
ينسيني ..
فالكلمة شرف الإنسان
الآن وفي كل زمان ..

إن كان الصدق
يجافيها ..
فاسعى للنار
لتلقيها .

*** *** ***

فتش في الأوراق ..

" من عيوبنا الاجتماعية , خط قلمي منولوج بلدي .."

آهات وبسمات / منولوج بلدي (1)

فتش .. فتش في الأوراق
راحت فين بس الأخلاق !
......

آدى راجل عنده عمارة
كل شيء في حياته تجارة
جاله شباب لسة طالعين
بس أملهم نص الدين
عايز شقة ولو أودتين
بص وقال عايز ملايين

فتش في الأوراق ...

وآدى تاجر كله شطارة
أسعاره دايماً طالعة لفوق
طالع واكل .. نازل واكل
ولا في ذمة ولا في ذوق

فتش في الأوراق ...

وآدى طبيب مشهور متصيت
جاله عجوز مسكين بيعيط
الحق ابني يا سيد الناس
تحت عجل أتوبيس انداس
بص وقاله هات وهات
بعد شوية , الواد أهو مات

فتش في الأوراق ...

وآدى الواد أهو خلص جامعة
عايز يبني .. يولع شمعة
دار ولف في كل مكان
نفسه في شغل , يعيش بأمان
بس خسارة رجع ندمان
من غير وسطة ازاي هيبان

فتش في الأوراق ...

وآدى مدرس فاتح بيته فصل جديد
سعر الحصة , يوم عن يوم ف البورصة يزيد
والغلبان هايجيب له منين !
لو عاز حصة ولا اتنين

فتش في الأوراق ...

وآدي الفن , غذاء الروح
ع الإسعاف بابه مفتوح
فين الغنوة ! ..
فين القيمة !
إن كان مسرح والا في سيما

وفتش .. فتش في الأوراق
راحت فين بس الأخلاق !

*** *** ***

وثنيـــــة ..

آهات وبسمات / العسل المر(1)

ويحي ..
أحببت وثنية !
اغتالت أحلاماً وردية ..
وباتت تنسج أمنية
وأقامت صنماً للدولار ..

جعلته مقاماً ومزار ..
غنته لحناً للأوتار ..
عطر ورحيق للأزهار ..

جعلته قمراً يتدلى ..
في ظلام الليل يتجلى ..
على جمر النار تتقلى ..
إن غاب يوماً
أو قل .

الحب أبقى يا منايا ..
والمال وسيلة لا غاية ..

بالحب ننجز أعمالاً ..
بالجد تثمر أفعالاً ..
وستأتي إلينا الأموال ,
لتحقق بعض الآمال .

وستجدي الحب
هو الأبقى ..
وجمال الصدق
هو الأتقى ..

واللـــــه فوق الأكوان
في كل زمان ومكان .

*** *** ***